收看節目 要數最印象深刻、最鍾意嘅球場，大家一定會講自己愛隊嘅主場。但係世上球場何其多？可能係你睇過嘅、未睇過嘅，有啲管理良好，有啲面目全非，原來背後都好多故仔可以講！韋斯咸fans阿Pete除咗槌仔主場，仲去勻晒英國唔少球會，見識過唔同球場嘅設備同特點！而阿大(李文雋) 就係足球旅行達人，踏破鐵鞋，睇過咁多唔同嘅球場，走訪唔同嘅足球大小國，佢最後又情歸何處呢？今集場Bean傾波，同你由球場硬件講到足球文化體驗。 ...
收看節目 究竟係遠赴重洋等6個鐘攞球星簽名瘋狂啲，定係揮灑千金搵一件名宿落場球衣瘋狂啲？係走到落球場中間受當地球迷歡迎威水啲，定係放工飛英國頒獎俾球星威水啲？今集《場Bean傾波》邀請一眾「奇人異士」，你諗得出嘅球迷瘋狂事，佢哋都可能做過！連Keyman、車車都聽到O晒嘴，你無理由唔想知啊嘛!?
收看節目 今時今日，女仔睇波已經好普遍！仲問人哋知唔知咩係越位？分分鐘搞到人嬲嬲豬啊！女仔睇波、傾波、落場踢波，甚至而家嘅足球節目仲多咗女主持，由女仔去旁述同做數據分析，可見女球迷一樣識波啊！年尾呢集《場Bean傾波》請嚟兩位靚女KK同Flavia，同大家講吓波經；以女足球主持、女球迷嘅角度，分享一吓平日做嘢兼睇波嘅樂趣！
收看節目 講咗咁多集唔同隊伍，係咪仲未講到你愛隊？但係，今集《場Bean傾波》講嘅球隊，你一定鍾意！就係我哋香港球迷最大共識 —— 香港隊！近個幾星期都有港隊賽事，大家又有無睇呢？前港隊守門員謝德謙身處英國，依然心繫香港足球，繼續留意香港球圈發展；而拍攝開港足嘅Coman仔同余鋒，就好希望自己睇港足團火可以燃燒到其他人！如果有心，無論身處世界邊個角落，一樣可以一齊撐！We Are Hong...
收看節目 今集，Keyman、車車請嚟人見人愛嘅張嘉殷，同上季拍檔周萬聰，一齊講吓唔同時期嘅兵工廠。講到球星，兩代阿迷各有所好，究竟你嘅最愛同嘉殷、阿聰一唔一樣？而兩位經歷唔同年代，嘉殷同阿聰又點睇過去兩季聯賽之爭呢？對愛隊又有咩唔同期望？ 阿仙奴呢幾季嘅進步有目共睹，唔止人哋領隊，達sir都讓槍迷由doubters變成believers，而家人人對佢有讚無彈，球隊又正值爭冠期，不過兩位阿迷竟然都有憂心之處...... ...
收看節目 《場Bean傾波》返來啦，之前播出幾集，收到大家「踴躍」地「無反應」！不過，無阻車車同Keyman嘅決心，今集仲搵埋資深講波佬方栢翹，以及身處英國的曼聯球迷Calvin，一齊傾波！ 點解曼聯問題天天都多？仲要周而復始，不斷重複問題？點解曼聯總係「流量密碼」？點解咁多人鍾意曼聯，又咁多人憎曼聯？後費Sir年代，你又覺得邊個球員係代表人物？ 陣容 ⚽...
收看節目 了解足球產業！ 這次直播將涵蓋各種與歐洲盃有關的話題。 讓我們一起來聊聊足球和金錢之間的關係吧！ 唔知大家細個時有無試過為咗買一套足球漫畫、一件波衫，而捱肚餓儲零用錢呢？大咗又有無試過為睇一場比賽，要飛越重洋，大灑金錢啊？無計啦，千金難買心頭好吖嘛！足球呢個興趣咁多意想不到又感動人心嘅畫面，球迷們有咩辦法唔乖乖俾錢喎！今集，4位主持人會分享佢哋球迷路上嘅駛錢經歷，又會剖析足球如何做到高度產業化。《場Bean傾波》第四集同你又講感情又講錢！...
