Henry是香港執業多年的註冊中醫師，飄洋過海舉家移民加拿大，為「儲鐘」放下身段化身超市執貨員，並考取加拿大中醫執照，在數間學院擔任中醫科導師，身兼數職只求一步一步「做回本行」。皇天不負有心人，Henry最終在溫哥華開了自己的中醫診所，成功重遊舊夢。

Henry剛剛到埗加拿大時一邊在超市工作儲鐘，一邊考中醫牌，目標非常清晰，就是希望可以「做回本行」。一年前，他終於得償所願在溫哥華開始中醫診所，並沿用香港診所的名稱，寓意在這裡重新開始。

「其實由未過嚟加拿大嘅時候，呢度已經係定咗嘅一個目標，因為香港本身自己經營一間診所，我係好想喺呢邊可以可以重新開始返嘅，因為作為一個傳承啦，至少我可以將以往一路做緊而恆之有效而幫到人嘅一個事業喺香港嗰邊結束咗，都會想喺呢邊可以重新做返同類型嘅嘢。」