「舞台搭好，劇本寫好」叉燒似喃嘸佬唸咒，叫市民配合政府做戲。觀乎近日時勢，很似綵排，惹人聯想。 小島發現恐龍骸骨，巨獸竟能聚居小漁村，窮人的劏房，按比例是濶落過恐龍巢穴，他們應知足感恩。 大媽舞與碰瓷黨忽然減少演出，原因不明，他們的粉絲咸表強烈不滿，堅決反對！ 高官訓示，市民要學習肥熊的「回信精神」。市民没法憑看信而知其精神是正常還是反常，建議肥熊自己去睇精神科。 大選之後，道指狂升千五點。有理由相信，肥熊會提前參選連任，A股也會升萬五點，唔使托市。 ...

大選已定，餘波未平；是非對錯，難以分明；聖上主審，冇得詐形！ 賭徒：選前民調，傻婆全程領先；開票當日，竟然輸埋賓州；是否作弊？聖上明鑒。 聖上：她敗於沒帶「小本本」，失票太多。英明如朕，冇貓紙就唔識回答質詢，何况那蠢婦？ 選民：你唔識答都獲選噃！？ 聖上：我點同呢？只須問台下「有冇反對」？台下必答「没有、没有、没有」，我便當選了，不用點票咁麻煩。 普京：我說過不祝賀特朗普，事隔兩天便賀他當選，算不算反口？ 聖上：當然不算，有個混蛋說「金盆（口浪）口」，再開Show就叫《金盆反口》。朕整天都說「一國兩、五十年...」好正常啫，當放屁咪得囉。...

有位博士分析「餐館執笠，原因是生意太好，請唔到人幫手，東主唔想捱，結業歎世界」。博士之言，玄之又玄。 順嫂：唔使執笠，轉營自助餐咪掂囉，死蠢！𠺘口華 ：博士仲蠢，佢應該頂幾間空舖來做「零餸飯」，獨市生意，做幾個月就搵夠，可以包架遊輪歎一世添呀。愛因斯坦 ：我曾說過「The difference between stupidity and...

的士司機要識講阿拉伯話，吸引中東客來振興旅遊；業界咸稱，叉燒的奇想不切實際，紛紛籌謀獻計…… 英文是國際語言，國際機師也是用英文與控制塔溝通，識英文就得啦! 一就One、二就Two、來就come、去就go、啱就yes唔啱就no，與各國遊客都能溝通。 手機 download一個app，甚麼外語都能即時翻譯，這是普通常識，點解叉燒唔識？ 好奇咩？柒婆唔識搭地鐵添呀！ 唉，叉燒連英文的「母校」都唔識講，當務之急，要先教識佢download個app，香港才得救。...

劏房改稱簡樸房，解決了住的問題，簡樸餐又能解決食的問题，市民食宿 無憂，可以安居樂業了。 露宿者：住簡樸房，好過瞓街，政府有為，我好感動。 勞工界：我們靠勞力搵兩餐，必須食得飽，簡樸餐有甚麼飯餸可吃？ 拾荒者：一餸飯就是簡樸餐，三粒豆豉做餸，飯就一大碟，包你夠飽。 大胃王：有冇豐富一些的簡樸餐？ 環保界：有！環保簡樸餐，西北風任食，食多多都冇屎疴，冇屁放，連衞生問題都解決埋。...

谷股市、救經濟，能否凑效？算術題：113＞75，證明紅朝非祖國。如何反駁？肥態頭都大。 丁蟹：公司有盈利，股價才會升；若把公司股票做抵押，借得巨款在市場買入自己公司的股票，再借再買，不斷重複，股價急升，但跌得仲快過我跳樓。 股民：今次谷股市，不見肥熊說「我親自部署，親自指揮」，不買為妙。 老粉紅：那條算術题，如何拆得掂？ 智將團 ：好易啫，把國名七個字，改成「祖國」兩個字，德仔就要叫我們做祖國啦，我們又赢一仗了。 ...

叉燒宣讀聖旨「愛國不能流於口號，要有實際行動」。由此看來，愛國還要鬥演技。 小粉红：台灣人開酒店，我去喝令他們掛上五星旗。 袁爸爸：你咁愛國，點解唔去「蒙古國領事館」，指出他們「唱錯國歌掛錯旗」咁懵呀？ 儍強：蒙古幾時分裂出去搞獨立㗎？等我密告聖上，求他把蒙古統回來。 荷蘭叻：今後一踏足祖國，我立即親吻土地，吻到嘴唇變咗孖膶腸為止。同我鬥愛國？你哋冇得揮。 ...

News 四個字母，代表新聞涵蓋東南西北，可惜未能凸顯「中國有新聞自由」; 盼望高明，補其不足。 外商：東南西北中，發財到廣東；這口號最能凸顯「中」的重要。 小說迷：對！東邪西毒、南帝北丐、中神通：五個方位，中為絕頂，更是核心！ 大媽：如果 News...

豪呑七蛋，是要嚇怕日本，老粉紅細說苦肉計之神機妙算....... 輸大比數，國足就有很大的進步空間，日本下次難有寸進，總之國足有前景，日本冇前途。據統計顯示，足球強必然國力弱，例子有巴西阿根廷，英國意大利，捧盃 有鬼用？經濟窮到燶。維尼熊的足球夢，是要輸足球而赢經濟，好高明的苦肉計！更高明的是，日本大勝後，排名穩企 十八位，再不敢開罪中國，若中國一怒之下，中韓作賽，輸給韓國七十比零，日本排名跌至榜尾，天皇都要切腹，問佢怕未？

打羽毛球遏抑衝動，要增設大量球場，才夠全港學生退燒；各界獻策，供當局參考。 所有公園，全部改作球瑒，以免教慾局的好意，功敗垂成。 現時吉舖多過7-11，也徵用作球場，日夜開放，隨時walk-in。 急症室增設自修室，內有風月頻道，讓學生入內自修DIY。 街道冇人，大把空地，用粉筆劃上簡單線條，就可以跳飛機發洩精力；也可跳橡筋繩，跳到腳軟，美色當前亦心如止水，效果甚佳。 傳說有條秘方，羽毛球煲夏枯草，三碗水煎成半碗，飲咗清心寡慾，好過打羽毛球，蔡局長不妨一試。 ...