（十月一日）港足打入四強，習夢夢叨光不少，中港兩地，究竟誰是對方的強大後盾？我諗唔明。

（十月七日）以巴開戰，我說支持巴基斯坦，網友笑到碌地，我又唔知佢哋笑乜？

（十月九日）《戰狼》有句豪言：「犯我中華，雖遠必誅。」加沙咁近中國，華人被殺被俘，點解不見吳京蒲頭營救？我又被黃絲笑死。

（水浸嗰日）官方說是五百年一遇的大雨，點解一個月卻遇到兩次？藍絲都窒埋我，好冇癮。

（十月十四）澳門演唱會，陳奕迅在台上，台下有觀眾大喝：「講！普！通！話！」他在台上可以唱英文歌、日文歌、泰文歌、粵語歌……都可以，為甚麼卻只准講普通話？我反問網友，他們啞口無言，我終於贏返一次，Yeah！